Təqribi çatma vaxtı
22 Noyabr 09:28:51
ADY Express şirkəti 2024-cü il oktyabrın 9-dan 11-dək Astanada keçirilən «TransLogistica Kazakhstan 2024» nəqliyyat və logistika beynəlxalq sərgisində iştirak edir. Bu tədbir, Mərkəzi Asiyada nəqliyyat və logistika xidmətlərinin ən iri sərgisi sayılır və müxtəlif ölkələrdən metəxəssislərin diqqətini cəlb edir.
Şirkətin stendində logistika və yükdaşıma sahəsində müasir xidmətlər təqdim olunur. Burada ADY Express-in bu mühüm sahədəki təcrübəsi və imkanları nümayiş etdirilir. Stenddə sərgi iştirakçıları ilə danışıqlar aparılır, əlaqələr və tərəfdaşlıq münasibətləri qurulur. TransLogistica Kazakhstan 2024, təcrübə mübadiləsi, müasir tendensiyalar və texnologiyaların müzakirəsi, eyni zamanda əməkdaşlıq üçün etibarlı tərəfdaşların axtarılması üçün unikal platforma təqdim edir.
Qeyd edək ki, sərgidə 20-dən çox ölkədən şirkət və təşkilatlar təmsil olunur, sərgini müxtəlif sahələrdən 10,000-dən çox mütəxəssis ziyarət edəcək. Ziyarətçilər logistika və nəqliyyat sahəsindəki son tendensiyalarla tanış ola və əməkdaşlıq istiqamətlərini müzakirə edə biləcəklər.
